جگە لە کورد چ گەلێک هەیە بەبرا ناوی داگیر کەری وڵاتەکەی هێنابێ
ماڵه‌وه‌ په‌یڕه‌وپرۆگرام ئامانج سەرکردایەتی بەئەندام بوون‌ پەیوەندی

مافی کەمەنەتەوەکان یا شەرعیەتدان بەداگیرکەران

.سه‌ره‌تا هیچ وڵاتێک ناتوانێت له‌ چه‌ند نه‌ته‌وه‌یه‌ک پێک بێت . گه‌ر وڵاتێکیش له‌ چه‌ند نه‌ته‌وه‌یه‌ک یا زیاتر له‌ نه‌ته‌وه‌یه‌ک پێک هات. ئه‌وه‌ له‌ مێژوودا ئه‌م نه‌ته‌وه‌یه‌ سه‌ر زه‌مینی نه‌ته‌وه‌که‌ی تری داگیر کردوه‌و، ئه‌وی کردوه‌ته‌ ژێر ده‌سته‌ی خۆی. ده‌نا که‌مه‌ نه‌ته‌وه‌ دروست نابێ یا هه‌ر شتێک نیه‌ به‌و ناوه‌وە. ده‌توانین سه‌ر زه‌مینی هه‌موو که‌مه‌ نه‌ته‌وه‌یه‌ک به‌ داگیرکراو دابنێن. هه‌ندێ جار ڕوی داوه‌ که‌ خێڵێک کۆچیان کردوه‌و له‌ شوێنێکی تردا نێشته‌جێ بوون. به‌ڵام ئه‌مانه‌ به‌ هیچ شێوه‌یه‌ک ناتوانرێ ناوی که‌مه‌ نه‌ته‌وه‌یان لێ بنرێت.
به‌ڵام باسه‌که‌ی من لێره‌دا ئه‌وه‌ نیه‌. به‌ڵکو من لێره‌دا ئه‌مه‌وێ ئه‌وه‌ ڕون بکه‌مه‌وه‌ که‌ قه‌ت ناتوانرێ، یا هه‌ر کارێکی وا کرده‌نی نیه‌. که‌ یه‌کسانی له‌ نێوان نه‌ته‌وه‌ی ژێر ده‌سته‌ (که‌مه‌نه‌ته‌وه‌و) نه‌ته‌وه‌ی باڵا ده‌ستدا (داگیرکه‌ردا) دروست بکرێت که‌ حوکمی وڵات ده‌کات. هه‌رچه‌نده‌ ئه‌و وڵاته‌ دیموکراتی بێ و ڕێز له‌ مافه‌کانی مرۆڤ بگرێت. که‌ ئه‌مه‌ ناتوانین له‌ وڵاتێکدا کۆ بکه‌ینه‌وه‌ که‌ که‌مه‌نه‌ته‌وه‌ی تیابێ. چونکه‌ گه‌ر دیموکراتی ڕاسته‌قینه‌ له‌وڵاتێکدا هه‌بێ، ڕێز له‌ویستی خه‌ڵک و ئازادی و داواکاریه‌کانیان بگیرێت، باوه‌ڕ ناکه‌م که‌مه‌نه‌ته‌وه‌یه‌ک هه‌بێ حه‌ز به ‌سه‌ربه‌خۆی نه‌کا. باوه‌ڕ ناکه‌م گه‌لێکی باڵا ده‌ست یا ده‌وڵه‌تێک که‌ ئه‌و حوکمی کردبێ قه‌ت به‌ ویستی خۆی و بێ شه‌ڕو خه‌بات ڕازی بوبێ سه‌ربه‌خۆی به‌ ئه‌و گه‌له‌ یا که‌مه‌نه‌ته‌وه‌یه‌ دابێ که‌ به‌زۆر ئه‌وی خستوه‌ته‌ نێو سنوری وڵاته‌که‌ی خۆیه‌وه‌.
که‌واته‌ که‌ که‌مه‌ نه‌ته‌وه‌یه‌ک له‌ وڵاتێکدا هه‌بوو ئیتر ئه‌و وڵاته‌ زۆر عه‌یبه‌ باس له‌ دیموکراتی و مافی مرۆڤ بکات.چونکه‌ نه‌ته‌وه‌یه‌کی تر ده‌چه‌وسێنێته‌وه‌ هه‌رچه‌نده‌ دادپه‌روه‌ریش بێ، ئه‌وه‌ ئه‌ندامانی که‌مه‌ نه‌ته‌وه‌که‌ هه‌ر ده‌بنه‌ مرۆڤی ژماره‌ دوو. وه‌ک ئه‌وه‌ وایه‌ بڵێیت خه‌ڵکینه‌ له‌ گه‌ڵ کۆیله‌کانتاندا دادپه‌روه‌رانه‌‌ ڕه‌فتار بکه‌ن. له‌ کاتێکدا هه‌ر بونی کۆیله‌ بۆ خۆی نا دادپه‌روه‌رانه‌یه‌.

ته‌نها شتێک که‌ که‌مه‌نه‌ته‌وه‌یه‌ک له‌ گه‌ڵ نه‌ته‌وه‌یه‌کی باڵا ده‌ستدا یه‌کسان دەکا سه‌ربه‌خۆییه‌و به‌س. ده‌نا مافێک ئه‌و پێتی بدا مادام ئه‌و پێتی ده‌دا که‌واته‌ له‌ گه‌ڵ تۆدا یه‌کسان نییه‌. ئه‌مه‌ ڕێک وه‌ک خاوه‌ن کارو کرێکار وایه‌، مادام بژێوی تۆ به‌ده‌ستی ئه‌وه‌ که‌واته‌ تۆ له‌ گه‌ل ئه‌ودا یه‌کسان نیت، ته‌نها جیاوازی له‌ نێوانیانداا ئه‌م سه‌ندیکایه‌ک هه‌یه‌ که‌ داکۆکی له‌ مافه‌کانی بکا ئه‌و ئه‌وه‌شی نیه‌. ماباقی شته‌کانی تر فیدڕاڵی و کۆنفیدڕاڵی و تا ....... هه‌مووی قسه‌ی قۆڕه‌و ته‌نها گه‌له‌ باڵا ده‌سته‌کان، داگیر که‌ره‌کان دایانهێناوه‌ تا له‌ ڕێگایه‌وه‌ سنوری ئه‌و وڵاته‌ی که‌ به ‌زۆرو له‌سه‌ر حسابی گه‌لانی تر فراوانیان کردوه‌ بپارێزن.

کۆیله‌ کاتێک له‌گه‌ڵ خاوه‌نه‌که‌یدا یه‌کسانه‌ که‌ ئازادبێ سه‌ربه‌خۆی خۆی به‌ده‌ست هێنابی، ئه‌ویش ئه‌و کاته‌یه‌ که‌ خۆی کڕیبێته‌وه‌و ئازاد بێ . که‌مه‌نه‌ته‌وه‌یه‌کیش کاتێک تاکه‌کانی ده‌توانن به‌ مرۆڤی ژماره‌ یه‌ک بێنه‌ حساب. که‌ سه‌ربه‌خۆ بن و خاوه‌نی ئاڵاو سنورو زمانی ڕه‌سمی خۆیان بن. جگه‌ له‌مه هه‌ر شتێکی تر باسی دادپه‌روه‌ری و پێکه‌وه‌ ژیان و مافی که‌مه‌ نه‌ته‌وه‌‌کان بکا، جگه‌ له‌ درۆیه‌کی ڕووت یا شه‌رعییه‌تدان به‌داگیرکه‌ر هیچی تر نییه‌.
back| send| print




pnkurd.com © 2017 | Facebook | Contact Us | Start